GAZ KONLARIDA KON ICHKI QUVUR LINIYALARIDAGI NOTURG‘UN OQIMNING GAZNI BIRLAMCHI TAYYORLASH SEPARATORLARIDA GAZ-KONDENSAT, SUV VA MEXANIK ARALASHMALARNI AJRATISH JARAYONIGA TA’SIRI
Keywords:
gaz koni, tabiiy gaz, gaz-kondensat, qatlam suvi, mexanik aralashmalar, separator, kon ichki quvur liniyasi, noturg‘un oqim, pulsatsiya, bosim, gaz tezligi, ko‘p fazali oqim, birlamchi tayyorlash, gaz-suyuqlik ajratilishiAbstract
Gaz konlarida quduqlardan qazib olinayotgan mahsulotni kon
ichki quvur liniyalari orqali gazni birlamchi tayyorlash separatorlariga yetkazish
jarayonida oqimning turg‘un va noturg‘un holatlari hamda ularning gaz-kondensat,
suv va mexanik aralashmalarni dastlabki ajratish samaradorligiga ta’siri tadqiq
etilgan. Gaz oqimining bosim va tezlik bo‘yicha o‘zgarishi, quvur liniyasidagi
gidravlik qarshilik, gazning kengayishi, suyuq fazaning quvur bo‘ylab qayta
taqsimlanishi va pulsatsion oqimlarning shakllanishi separatorga kiruvchi mahsulot
parametrlarining beqarorlashishiga olib kelishi mumkinligi asoslangan. Quduq
mahsuloti tarkibidagi gaz-kondensat, qatlam suvi va mexanik zarrachalarning quvur
liniyasida harakatlanishi natijasida oqimning fazaviy tarkibi o‘zgarib, separatorning
kirish qismida oqim tezligi va bosimining vaqt bo‘yicha tebranishlari yuzaga kelishi
mumkin. Natijada separatorning gaz-suyuqlik ajratish zonasi, suyuqlik sathini
boshqarish tizimi va mexanik aralashmalarni cho‘ktirish jarayoni beqarorlashadi.
Tadqiqot natijasida quvur liniyasidagi noturg‘un oqimni kamaytirish, separator
kirishidagi oqim energiyasini boshqarish va gazni birlamchi tayyorlash sifatini
oshirishga qaratilgan texnologik yondashuv taklif etilgan.
